أبرز العناوين

أصدقاء المخطوطة

الثلاثاء، 10 ديسمبر، 2013

وجهات نظر ... بقلم / محمود فتحي

محمود فتحي 

لسه بندفع تمن الثوره ذل وقهر


وقلوب بتعاني في التحرير
وعيون تستني شمس الظهر
ونفوس تتوجع من سكاكين
عماله تقطع فيها من الضهر
وعقول حيرانه من التفكير
مش قادره ترسي في يوم علي بر
...
واتنين اتخانقوا ومسكوا في بعض
علشان مابينهم اختلاف
اتلموا الناس علشان يشوفوا
مين اللي واجب يعتذر
طلع الخلاف وجهات نظر
مين اللي كسبان في النهايه
ومين خسر ؟
...
ومين اللي مظلوم منا فيها
ومين ظلم
...
ومين اللي فرحان باللي بينا
ومين ندم
...
ومين اللي عايش عالأمل
ومين اللي قال انه انعدم
...
وجهات نظر
بدل مانتجمع عليها
اتفرقت بينا الخطاوي
بدل مانتصالح ونصلح
اتشتت كل الفكر
تحت المسمي <وجهات نظر>
...
مين اللي يصلح
لما احنا بايدينا فسدنا
ومين اللي يبقي عنده همه
يرفع الرايه في بلدنا
ومين اللي بيخاف عالصغار
ل ميكبروش
حبة وحوش
مبيرحموش
عاوزينا نبقي سخره ليهم
نحلف يمين عدم الخيانه
طب ليه يمينكوا مصونتهوش
...
فينك ياشعب ياللي لما كنت تصرخ
بتزلزل الميادين بصوتك
كنت لما بتبكي دمعك
يملا ضهر الارض نار
كنت لما تحب تفدي لو بروحك
حتي روحك خانتك تحت الحصار
اجمع شتاتك ياوطن
وحد الكلمه اللي منك
وخلي من دايرة خلافك
فكره تبدأ تاني منها
وأفدي ناسك وأفدي دمك
وأنسي موضوع الاختلاف
وبلاش
خلاف وجهات نظر






مع تحيات ..

ليست هناك تعليقات:

إرسال تعليق

تعليقك على المخطوطة دليل إيجابيتك في التفاعل مع الأحداث ، فلا تجعل عناد قلمك يسلب منك تلك الإيجابية

Google+ Followers

ضع بريدك هنا وتابعنا