أبرز العناوين

أصدقاء المخطوطة

الخميس، 11 سبتمبر، 2014

فى ناس أخرها تعيش .. بقلم / سيد فهيم

سيد فهيم


أنا اللى بكـــــــتب اغانى
-ولكنى مبغنيش

وأرسم صــــــــــور مبهجه 
والبهجه متطولنيش

وأسعد ســـــــاعات وقتكم 
-وأنا ساعتى مبتمشيش

وأحـــــــب اشوفكم قوى
وأنتم مبتشوفنيش

فى ناس تعيش للناس 
وناس اخرها تعيش
---------------

انا إللى كــــــــــلى أمل 
وانا إللى كـــــــلى يأس

عــــنيف قوى فى ثورتى 
-وأنا برده أهــــدى نفس

جــــــــــوايا ميت مسأله
ترفس فى عــقلى رفس

ومـــــــــــتلاقيش الاجابه
وألاقيها تهمس همس

هـــــــــــو أنت فعلا أنت
-ولا أنت صــــــوره وبس

-------------------------------------

يا تلتومية مــــعضله 
-فى النفس محتاره

مغصوبه ع الطبع دا
ولا انتى مخــــــتاره

معدش فيكى خـــلا
ومن الخــــــلا منهاره

عــــنيده عند الجبل
-وبتيجـــى بإباشاره

قريبه قـــــوى دمعتك
-وقــــــويه جباره

---------------------------------

متأجـــــليش الكلام 
-ما تقولى بقاإنطقى

ولا انتى وقت الجــد
على الجـــد تتريقى

وييجى وقت السمر
-على الغم ليه تسبقى

ذنب اللى جنبك ايه
-عليه بتتخلقى

لا فيك شئ يتحب
-ولا فيكى شئ منطقى

-------------------------------

متزعليش م الكلام
شكلك بقيتى اتنين

ولا تلــــعنيش الزمن
ولا تبكى ليكى عين

صوت النحيب لو على
-الصــــبر أجيبه منين

وسكتى مسكتيش
الخلق مش سامعين

قولى عــــــلى احتار
فى الاصل هو مين ..؟؟


ــــــــــــ












مع تحيات

هناك 3 تعليقات:

تعليقك على المخطوطة دليل إيجابيتك في التفاعل مع الأحداث ، فلا تجعل عناد قلمك يسلب منك تلك الإيجابية

Google+ Followers

ضع بريدك هنا وتابعنا