أبرز العناوين

أصدقاء المخطوطة

الأحد، 26 أكتوبر، 2014

كنت عارفة انه راجع ... بقلم / نور شاهين



كنت عارفه انه راجع بس امتى دا السؤال
عشت تأذينى الملامه وقالو حلمك دا محال
لكن حبايبى وقفو معايا قالولى حلمك شىء جميل
الصبر دا كل الحكايه ورجوعه ليكى مش مستحيل
والنهارده رجعلى عمرى وابتدى رد الجميل
يا حلم عمرى يا ضى عينى جيت تنورلى سنينى
كنت عارفه انك راجعلى ايمانى بالله كان مالينى
كل اللى فات من عمرى كان .. كأنه لحظه من الزمان
مفرقتنيش ابدا عشان .. انت جوه قلبى ساكن
صحيح بعيد ..عن عينى غايب .. علي عينى والله
لكن حنينى بيرسمك .. بتخيلك فى كل الاماكن
كنت اغمض عينى اشوفك كنت افتح القى صورتك
ضحكتك خوفك كسوفك .. حتى تكشيرتك وحيرتك
كل تفصيله فى حياتك .. حتى عارفه امنياتك
كنت بدعيلك يوماتى كنت عايشه ليك حياتى
مع كل نسمه تمر بيا اسألها مريتى عليه
قوليلى صاحى ولا نايم ويا ريت تبوسيلى عينيه
ولا بلاش لتكونى قاسيه ولا شديده وتقلقيه
كنت بسهر وادعى تكبر وابكى بحرقه لما افكر
كان بين ايديا وجوه حضنى بأيديا انا رجعته ليه
كان غصب عنى مش ضعف منى
ورضيت بقدرى وسلمت ليه
واهو جه النهارده ربى رضانى
رجعلى يوسف وفرحت بيه

ـــــــــــــ












مع تحيات

هناك 5 تعليقات:

تعليقك على المخطوطة دليل إيجابيتك في التفاعل مع الأحداث ، فلا تجعل عناد قلمك يسلب منك تلك الإيجابية

Google+ Followers

ضع بريدك هنا وتابعنا