أبرز العناوين

أصدقاء المخطوطة

الجمعة، 26 ديسمبر، 2014

خلينى حمار ... بقلم / عادل التوني

عادل التوني 


علمنى العربى وفهمنى
ايه معنى قرار ؟؟؟
إيه معنى حوار؟؟؟
بيروح من أول شموسة
وقضية سامى ... المتحامى !!!
علشان فتفوتة بسبوسة
يتخط قرار
..........
علمنى العربى وفهمنى
إيه معنى قرار ؟؟؟
إيه معنى ُندين ؟؟؟
ُنلطم ..نصرخ.. نضرب ..نقسم
والكرسى يوماتى مبكتنى
وماليش رجلين
أو حتى خوار
.........
علمنى
العربى وفهمنى
إيه معنى قرار ؟؟؟
خايف أصرخلك وأهلل ...
أنا صوتى ضعيف
مش حمل رغيف
ولاحمل رصيف
أنا عايش ضيف ... جواك ...ياجدار
..........
علمنى العربى وفهمنى
إيه معنى قرار ؟؟؟
َأخرس ولسانى يطول لمّا
اهتف وأهلل فى اللمّة
جوه الصناديق
منكم
ولكم
بيكم
ليكم
واتلم فى صناديقك لمه
ويقولوا حوار !!!
..........
علمنى العربى وفهمنى
ايه معنى قرار؟؟؟
هو استعمار
ولا استقطاع
ولا استفزاز
ولا استحمار
علمنى العربى وفهمنى
إيه معنى قرار ؟؟؟
أو لامؤاخذة
......
خلينى حمار


ــــــــــــــــ










مع تحيات

هناك 7 تعليقات:

تعليقك على المخطوطة دليل إيجابيتك في التفاعل مع الأحداث ، فلا تجعل عناد قلمك يسلب منك تلك الإيجابية

Google+ Followers

ضع بريدك هنا وتابعنا