أبرز العناوين

أصدقاء المخطوطة

الجمعة، 3 أبريل، 2015

نفسي ف ايه ؟ .... بقلم / صلاح امان


نفسي ف ايه........... نفسي ف ثورة
نفسي ف بنت اعملها مناورة
شعرها ثاير.......خدها غاير
غاوية مناكفه.. غاويه محاوره
ليها عنين بتطق شرار....... زى النار
ليها شفابف حمر بتنطق باستمرار
لابسه ايه انا مش عارف
بس اهو كل اللبس يليق
مهما تضيق 
مهما تشيل احمال وجبال
عارفه حقيق
انها يوما حتما تفرج
طول ماهيه
زي ماهية....... غاويه الثوره
(2)
نفسي ف ايه
نفسي اعيش
نفسي ف دنيا دون تشويش
نفسي ف دنيا مبتديش
لجل الرشوة والتهبيش
نفسي يعيش فيها ضمير
له تأثير
حاكم امره .. وكله بامره
زي الفارس كله شباب
يقتل كل عجوز نصاب
ميخليش ولاواحد منهم يمسك منصب
اويتحكم ف الابواب
نفسي اعيش واشوف اطفالنا 
بكل براءه
هي الحاكمة
هي الناهيه بكل جراءه
لجل اطمن..... نفسي اعيش
ملقاش سيد يبقي مطاطي
ولما الومه يجري يقولي
اكل العيش........ نفسي اعيش
(3)
نفسي ف ايه
نفسي ارتاح
نفسي ارتاح فعيون الناس
نفسي الصدق يعم ويكبر بالاحساس
نفسي صباح الخير من جوه... مش من بره
نفسي اهلا..اهلا.. اهلا.. اهلا حرة
نفسي النسمه رسمه البسمه جوه القلب
نفسي يكون فقلوبنا شئ اسمه الحب
نفسي ارتاح وارتاح.. وارتاح
نفسي اشوف حواليه براح
كله سماحه بالاحساس
جوه عيون وقلوب الناس.... نفسي ارتاح
(4)
نفسي ف ايه
نفسي فأخضر..واخضر..واخضر
نفسي ماشفشي غير الاخضر
نفسي لما افوت واسافر
كل مكان فبلادي البكر
القي عنيه بتغذيني بلون الاخضر
كل اراضي بلادي اخضر
كل بيوتنا بلون الاخضر
لبس ولادنا لونه اخضر
حتي سمانا تصبح اخضر
جوه قلوبنا لون الاخضر
حتي القطر اللي بيتمخطر
نفسي يكون باللون الاخضر
واما اقوم من نومي افطر
خص وفجل وجلوين اخضر
نفسي..نفسي..نفسي..نفسي..نفسي..نفسي..نفسي


ـــــــــــــــ








مع تحيات 
 

هناك 13 تعليقًا:

تعليقك على المخطوطة دليل إيجابيتك في التفاعل مع الأحداث ، فلا تجعل عناد قلمك يسلب منك تلك الإيجابية

Google+ Followers

ضع بريدك هنا وتابعنا